今晚去位於銅鑼灣的紫Murasaki 日本餐廳，品嚐最新的六道菜式Tasting Menu。 餐前小食伴凍豆腐的蜜瓜青瓜汁，味道令人驚喜；頭盤有日本溫泉蛋配金箔魚子醬；緊接着的時令野菜沙律，有羽衣甘藍、菠菜及火箭菜，仲有全日本最小的蕃茄，配以自家製的柚子汁，無論賣相及味道都交足功課；炭燒鮮池魚用咗喜馬拉阿山岩鹽及日本青檸，味道清鮮；主菜可以選香煎鹿肉配菠菜香蔥汁及手指青檸；或海膽野雞卷配海膽忌廉汁及橙皮；接着是餐廳招牌鮑魚石鍋飯，飯上有一片奶白色是蜆湯啫喱，倒入熱騰騰的鮑魚湯時，融化在湯中，鮮上加鮮！甜品有開心果慕絲，除咗主角，配角的芝麻味的白朱古力碎及車厘子雪葩絕對有驚喜！以一間高級日式料理餐廳，這個tasting menu 每位只是$880，真係超值！😍